අංශ ප්‍රධානීන්ගේ අස්‌වීම පාලක සභා බාරගෙන නෑ එනිසා අලුතින් ලිපි නිකුත් කරන්නත් අවශ්‍ය නෑ - උපකුලපති සම්මේලනය

Share

දිවයින 29/07/2011
නිලන්ත මදුරාවල

අංශ ප්‍රධානීන්ගේ ඉල්ලා අස්‌වීම පාලක සභාවන් භාරගෙන නොමැති හෙයින් එම ධුරවලට යළි අලුතින් පත් කිරීම සඳහා ලිපි නිකුත් කිරීමේ අවශ්‍යතාවක්‌ නොමැති බව ඊයේ (28 වැනිදා) තීරණය කළ උපකුලපතිවරුන්ගේ සම්මේලනය අංශ ප්‍රධාන ධුර බාර ගන්නා ලෙස විශ්වවිද්‍යාල ආචාර්යවරුන්ගේ සමිති සම්මේලනයෙන් ඉල්ලා සිටියේය.

අංශ ප්‍රධාන ධුරවලින් ඉල්ලා අස්‌වීමේ ලිපි යළි ඉල්ලා අස්‌ කර ගැනීමට නොහැකි බව පවසන ආචාර්යවරුන්ගේ සම්මේලනය කෙසේ වුවද අද (30 වැනිදා) සවස පැවැත්වෙන එහි විධායක සභාවේදී සාකච්ඡා කර තීරණයක්‌ ගැනීමට නියමිතය.

උද්ගතව ඇති තත්ත්වය සම්බන්ධයෙන් සාකච්ඡා කිරීමට උපකුලපතිවරුන්ගේ සම්මේලනය ඊයේ රැස්‌ වූ අතර වෘත්තීය ක්‍රියා මාර්ගය නතර කිරීම පිළිබඳ ආචාර්යවරුන්ගේ සමිති සම්මේලනයට ප්‍රසාදය පළ කිරීමේ යෝජනාවක්‌ද එහිදී අනුමත විය. අංශ ප්‍රධාන ධුර භාර ගන්නා ලෙස ආචාර්යවරුන්ගෙන් ඉල්ලා සිටීමට ද සම්මේලනය තීරණය කළ බව එහි සභාපති මහාචාර්ය කේ. ඒ. නන්දසේන මහතා "දිවයින" ට පැවසීය.

උපකුලපතිවරුන්ගේ සම්මේලනය ගෙන ඇති තීරණය පිළිබඳව අද සාකච්ඡා කර තීරණයක්‌ ගන්නා බව ආචාර්යවරුන්ගේ සමිති සම්මේලනයේ සභාපති ආචාර්ය නිර්මාල් රංජිත් දේවසිරි මහතා සඳහන් කළේය.

ආචාර්යවරුන් වෘත්තීය ක්‍රියා මාර්ගය අත්හැර සතියක කාලයක්‌ ගත වුවද මෙම ගැටලුව මත අධ්‍යයන කටයුතු ආරම්භ කිරීමට නොහැකි වී තිබේ.

VCs, lecturers split hairs, while varsities remain paralysed

Share

The Island 29/07/2011
by Dasun Edirisinghe

Vice Chancellors of universities, who met yesterday at the Open University, Nawala, decided to request university lecturers "to resume duties in the posts they held prior to their strike action." This decision was taken to ensure restoration of normalcy in the universities, Chairman of the Committee of Vice Chancellors and Directors (CVCD) Prof K. A. Nandasena told ‘The Island’.

The meeting was summoned to find ways to end the impasse that had been caused by a decision taken by the vice chancellors of the universities not to issue fresh letters re-appointing university lecturers to the voluntary posts from which they had resigned as part of their trade union action, he said.

The CVCD, at the end of the meeting issued a letter commending the decision of the Federation of the University Teachers’ Associations to suspend their trade union action. "Since the university councils which are the appointing authorities have not accepted the letters of resignation of Heads of Department submitted at the commencement of the trade union action on May 09, 2011, the CVCD is of the view that the necessity to re-appoint Heads of Departments does not arise. To ensure the normalcy in the universities, the CVCD requests all academics who were on trade union action to resume duties in the posts they held prior to trade union action," the letter said.

President of the Federation of University Teachers Associations (FUTA) Dr Nirmal Ranjith Devasiri told ‘The Island’ that they too have been sent a copy of the letter. However, the letter had two contradictory points which the academics have to consider seriously before deciding their future course of action, he said. "The letter by the CVCD commending the suspension of trade union action accepts that we had engaged in such an action. The trade union action was the resigning from the posts of heads of departments. In the meantime it says there was no necessity of issuing letters of reappointment. These two contradictions could not be ignored," he said.

Dr Devasiri said that the executive committee of the FUTA would meet this evening (29) to discuss the contents of the letter from the CVCD and decide the future course of action.

සරසවි අංශ ප්‍රධානීන්ට පැනවූ වාරණ නියෝගය දීර්ඝ කෙරේ

Share

දිවයින 28/07/2011
සරත් ධර්මසේන

ශ්‍රී ජයවර්ධනපුර, රුහුණ සහ වයඹ විශ්වවිද්‍යාල අංශ ප්‍රධානීන් සිය තනතුරුවලින් ඉවත්වීම හෝ ඉල්ලා අස්‌වීම වළක්‌වමින් අභියාචනා ධිකරණය පැනවූ වාරණ නියෝගය අගෝස්‌තු 4 වැනිදා දක්‌වා ඊයේ (27 වැනිදා) දීර්ඝ කළේය.

එම විශ්වවිද්‍යාලයේ තනතුරුවලින් ඔවුන් ඉල්ලා අස්‌වීමට තීරණය කර තිබූ අතර ඔවුන් ඉල්ලා අස්‌වුවහොත් විශ්වවිද්‍යාල අධ්‍යාපනය මුළුමනින්ම කඩාකප්පල් වී තමන් ඇතුළු වැඩිදුර අධ්‍යාපනය හදාරණ සිසුන් විශාල පිරිසකගේ අනාගත අපේක්‍ෂාවන් බිඳ වැටෙන බව කියමින් එම විශ්වවිද්‍යාල තුනේ සිසුන් තිදෙනකු විසින් ගොනුකර තිබූ රිට්‌ පෙත්සම් සලකා බැලීමෙන් අනතුරුව එකී වාරණ නියෝගය පනවා තිබිණි.

අංශ ප්‍රධානීන්ගෙන් ඉල්ලා අස්‌වීමේ ලිපි බාර ගැනීමෙන් වළකින්නැයි විශ්වවිද්‍යාල ප්‍රතිපාදන කොමිසමට හා උපකුලපතිවරුන්ට පනවා තිබූ වාරණ නියෝගයද එදින දක්‌වා දීර්ඝ කෙරිණි.

අභියාචනාධිකරණයේ සභාපති ශ්‍රී ස්‌කන්ධ රාජා සහ විනිසුරු නලින් පෙරේරා හමුවේ පෙත්සම ඊයේ (27 වැනිදා) යළි කැඳවූ අතර දෙපාර්ශ්වයේ නීතිඥවරු කියා සිටියේ සරසවි අංශ ප්‍රධානීන් තනතුරුවලින් ඉල්ලා අස්‌වීමට තීරණය කිරීමට හේතුවූ ප්‍රශ්න නිරාකරණය කර ගැනීමට අදාළ පාර්ශ්වයන් අතර සාකච්ඡා පැවැත්වෙන බවයි. එනිසා වාරණ නියෝග තවදුරටත් ක්‍රියාත්මක කරමින් පෙත්සම් යළි අගෝස්‌තු 5 වැනිදා කැඳවීමට විනිසුරු මඩුල්ල නියම කළහ.

ජනාධිපති නීතිඥ පායිස්‌ මුස්‌තාපා මහතා පෙත්සම්කරුවන් වෙනුවෙන් පෙනී සිටි අතර අධිනීතිඥ එම්. ඒ. සුමන්තිරන් මහතා අංශ ප්‍රධානීන් වෙනුවෙන් පෙනී සිටියේය.

අංශ ප්‍රධාන ගැටලුව ගැන තීරණයක්‌ ගැනීමට උපකුලපතිවරු අද රැස්‌වෙති

Share

දිවයින 28/07/2011
නිලන්ත මදුරාවල

විශ්වවිද්‍යාල ආචාර්යවරුන්ගේ අංශ ප්‍රධාන තනතුරු සම්බන්ධයෙන් උද්ගතව ඇති ගැටලු සහගත තත්ත්වය පිළිබඳ තීරණයක්‌ ගැනීම සඳහා උප කුලපතිවරුන්ගේ සම්මේලනය අද (28 වැනිදා) රැස්‌වෙයි.

අංශ ප්‍රධාන තනතුරුවලින් ඉල්ලා අස්‌වී සිටින ආචාර්යවරුන් යළි එම තනතුරුවලට පත් කිරීම සඳහා අලුතින් ලිපි නිකුත් නොකිරීමට උපකුලපතිවරුන්ගේ සම්මේලනය තීරණය කර ඇත්තේ කරුණු කිහිපයක්‌ පදනම්වය. විශ්වවිද්‍යාල පනතට අනුව අංශ ප්‍රධාන තනතුරකට පත්වීම් දිය යුත්තේ වසර තුනක්‌ සඳහාය. මේ වන විට ඉල්ලා අස්‌ වී සිටින ආචාර්යවරුන් අතර වසර තුනකට ආසන්න කාලයක්‌ අංශ ප්‍රධාන ධුර දරන ආචාර්යවරුද සිටිති. ඔවුන් සඳහා යළි පත්වීම් ලිපියක්‌ නිකුත් කරන්නේ නම් එය වසර තුනකට බලපැවැත්විය යුතුය. එවිට අංශ ප්‍රධාන ධුරයට පත්වීමට අපේක්‍ෂාවෙන් සිටින ආචාර්යවරුන්ට බලවත් අසාධාරණයක්‌ යෑයි උපකුලපතිවරුන්ගේ සම්මේලනයේ සභාපති රජරට විශ්වවිද්‍යාලයේ උපකුලපති කේ. ඒ. නන්දසේන මහතා "දිවයින" ට පැවැසීය. ඉල්ලා අස්‌වීමෙන් පසුව ඉතිරි කාලයට පමණක්‌ පත්වීම් ලිපි නිකුත් කිරීමට පනතින් කිසිදු ඉඩක්‌ නැතැයිද සභාපතිවරයා සඳහන් කළේය.

ආචාර්යවරුන්ගේ ඉල්ලා අස්‌වීමේ ලිපි කිසිදු උපකුලපතිවරයෙක්‌ භාරගෙන නොමැති හෙයින්ද ඉල්ලා අස්‌වීම පිළිබඳ මාස තුනකට පෙර දැනුම්දිය යුතු බව සඳහන් අංක 956 දරන චක්‍රලේඛය විශ්වවිද්‍යාල ප්‍රතිපාදන කොමිෂන් සභාව ඉවත් කරගෙන ඇති හෙයින්ද ඉල්ලා අස්‌වීමේ ලිපි ඉවත් කර ගැනීම කිසිදු ගැටලු සහගත තත්ත්වයක්‌ නොවන බවද මහාචාර්යවරයා සඳහන් කළේය.

ආචාර්යවරුන් ප්‍රකාශ කරන ආකාරයට ඉල්ලා අස්‌වීමේ ලිපි උපකුලපතිවරුන් භාරගතහොත් ඒ සඳහා පාලක සභා අනුමැතිය ලබා ගැනීම වැනි ක්‍රියාවලියකට යායුතු යෑයිද කී සභාපතිවරයා සරල සහ හොඳම විකල්පය ඉල්ලා අස්‌වීමේ ලිපි යළි ඉල්ලා අස්‌කර ගැනීම යෑයිද සඳහන් කළේය. ආචාර්යවරුන්ගේ සමිති සම්මේලනය ඒ සඳහා සූදානමක්‌ නොමැති වුවත් ඇතැම් ආචාර්යවරුන් සිය ඉල්ලා අස්‌වීමේ ලිපි මේ වන විට ඉවත් කරගෙන ඇතැයිද ඒ මහතා කීවේය.

අලුතින් පත්වීම් ලිපි නිකුත් කිරීමට නොහැකි වීමට ඇති තාක්‍ෂණික ප්‍රශ්න පිළිබඳව අද සාකච්ඡා කර ඒ සම්බන්ධයෙන් ගන්නා තීරණ උසස්‌ අධ්‍යාපන අමාත්‍යාංශයට හා විශ්වවිද්‍යාල ප්‍රතිපාදන කොමිෂන් සභාවට දන්වන බවත් මහාචාර්යවරයා කීවේය.

Dons await fresh letters of appointment

Share

Dailymirror 28/07/2011
By Lakna Paranamanna

The university academics said yesterday they would not withdraw the resignation letters which they submitted to university authorities and were awaiting the Vice Chancellors to issue fresh letters of appointments for the academics who resigned from their voluntary posts. 

Federation of University Teachers’ Associations (FUTA) President Nirmal Ranjith Dewasiri told Daily Mirror that they had been advised by their lawyers to refrain from withdrawing the resignation letters. Contd. from A1

“We have been advised that if we withdraw the resignation letters, it would impact negatively on the trade union action we carried out. The letters were submitted about two and a half months ago and withdrawing them now would certainly weaken the legality of our trade union action,” Dr. Dewasiri said. 

He said the FUTA was talking to Vice Chancellors with the intention of resolving this matter and resuming work at the voluntary posts held earlier.

“In spite of suspending our trade union activities, the universities are still unable to resume to academic or administrative activities,” he added. 

The university academics resigned from voluntary administrative positions on May 3 as part of a series of trade union action to urge the government to grant them an adequate salary increase. The action brought to a standstill the administrative functions in all the universities. Last Thursday the academics decided to suspend their trade union action after the government agreed to accept their interim proposal.

උපකුලපතිවරුන් හා ආචාර්යවරුන් අතර දැන් කිසිම ගැටුමක්‌ නෑ - ඇමැති එස්‌. බී. කියයි

Share

දිවයින 28/07/2011

නෝමන් පලිහවඩන

විශ්වවිද්‍යාලයීය උපකුලපතිවරුන් සහ ආචාර්යවරුන් අතර දැන් කිසිදු මත ගැටුමක්‌ නැති බවද එහෙත් ප්‍රශ්න ඇති කිරීමට එක්‌ අයකු දෙන්නකු සිටිය හැකි බවද උසස්‌ අධ්‍යාපන ඇමැති එස්‌. බී. දිසානායක මහතා "දිවයින" ට ප්‍රකාශ කළේය.

විශ්වවිද්‍යාලයීය වැඩකටයුතු හොඳින් කෙරීගෙන යන අතර දෙතුන් දෙනෙක්‌ නැති ප්‍රශ්න ඇති කිරීමට ක්‍රියාකරන බවද ඇමැතිවරයා පැවැසීය.

මෙම ආරවුල් පිළිබඳව තමා උප කුලපතිවරුන්ගෙන් විමසූ මොහොතේ කිසිදු ප්‍රශ්නයක්‌ නැතිව හොඳින් වැඩ කෙරීගෙන යන බව දැනුම් දුන් බවද ඇමැතිවරයා සඳහන් කළේය.

Withdrawing resignation letters - Dr. Nirmal Dewasiri

Share

Academic-SL Blog,

To All those who resigned from voluntary administrative positions as a part of the FUTA trade union action,

It is the clear stand of the FUTA that its members shall not withdraw their letters of resignation and they have to be given new appointments.  Therefore I request all the former HoDs and others who resigned as a part of the TU action not to be hurry to withdraw resignation letters.

Thanks

Nirmal Dewasiri
President/ FUTA

උපකුලපතිවරුන්ගේ තීරණයක්‌ නිසා සරසවි කටයුතු යළි අවුල් වෙයි.......

Share

දිවයින 27/07/2011
නිලන්ත මදුරාවල

අංශ ප්‍රධානී තනතුරුවලින් ඉවත් වූ ආචාර්යවරුන් යළි එම තනතුරුවලට පත් කිරීම සඳහා අලුතින් ලිපි නිකුත් කිරීම උපකුලපතිවරුන් විසින් ප්‍රතික්‍ෂේප කරනු ලැබ ඇත.

මෙම තත්ත්වය යටතේ අධ්‍යයන කටයුතු ආරම්භ කිරීම තවදුරටත් කල් යනු ඇතැයි ආචාර්යවරු පවසති.

එම ධුරවලින් ඉවත් වීම සඳහා ආචාර්යවරුන් කලින් ලබා දුන් ලිපි ඉවත් කර ගත යුතු බව උපකුලපතිවරුන් ප්‍රකාශ කරන නමුත් එම ලිපි ඉවත් කර ගැනීමට ආචාර්යවරුන් සූදානම් නැත. ආචාර්යවරුන්ගේ සමිති සම්මේලනය හා උසස්‌ අධ්‍යාපන අමාත්‍යාංශයේ ලේකම් ආචාර්ය සුනිල් ජයන්ත නවරත්න මහතා අතර පසුගිය සතියේ පැවැති සාකච්ඡාවේදී මේ සම්බන්ධයෙන් එකඟතාවක්‌ පැවැති අතර එහිදී අලුතින් ලිපි නිකුත් කිරීමට උපකුලපතිවරුන්ට උපදෙස්‌ දෙන බව ලේකම්වරයා ප්‍රකාශ කර තිබිණි. එහෙත් අලුතින් ලිපි නිකුත් නොකිරීමට තීරණය කර ඇත්තේ උපකුලපතිවරුන්ගේ සම්මේලනයේදී බව උප කුලපතිවරයෙක්‌ "දිවයින"ට පැවැසීය.

මේ අතර ආචාර්යවරුන්ට අදාළව නිකුත් කර තිබූ අංක 956 දරණ චක්‍රලේඛය විශ්වවිද්‍යාල ප්‍රතිපාදන කොමිෂන් සභාව ඊයේ (26 වැනිදා) ඉවත් කරගෙන ඇත. එම චක්‍රලේඛය ඉවත් කරන ලෙස ආචාර්යවරුන්ගේ සමිති සම්මේලනය ඉල්ලා තිබිණි.


එමෙන්ම තවමත් නොවිසඳී පවතින ගැටලු කිහිපයක්‌ පිළිබඳව සම්මේලනයේ නියෝජිතයන් හා මුදල් අමාත්‍යාංශ ලේකම් ආචාර්ය පී. බී. ජයසුන්දර මහතා අතර ඊයේ පෙරවරුවේ හදිසි සාකච්ඡාවක්‌ පැවැත්විණි. මෙම මාසයේ සිට රජයේ සේවකයන්ට ලැබෙන රුපියල් හයසියයක ජීවන වියදම් දීමනාව ආචාර්යවරුන්ට ද වෙනමම ලබා දීමට එම සාකච්ඡාවේදී එකඟතාව පළවී ඇත. කලින් මෙම දීමනාව ආචාර්යවරුන්ගේ වැඩි වන වැටුපට එකතු කර තිබිණි. එවිට ආධුනික කථිකාචාර්යවරුන්ට වැඩිවන්නේ රුපියල් දෙදහසකටත් අඩු මුදලක්‌ හෙයින් ඔවුන් වෙනුවෙන් ජීවන වියදම් දීමනාව අමතරව ලබා ගැනීමට සම්මේලනයේ නියෝජිතයෝ ලේකම්වරයා සමඟ සාකච්ඡා කළහ.

මීට අමතරව තාවකාලික කථිකාචාර්යවරුන් සඳහා සියයට දහයක වැටුප් වැඩිවීමක්‌ ලබාදෙන ලෙසද සම්මේලනයෙන් මෙහිදී ඉල්ලා ඇත.

පොරොන්දු එක්ක සෙල්ලම් එපා-කල්දීම අයවැය දක්වා පමණයි

Share

අද දෙරණ 25/07/2011

තමන්ට දුන්නු පොරොන්දු සමග සෙල්ලම් නොකළ යුතු යැයි විශ්ව විද්‍යාල ආචාර්යවරුන්ගේ සමිති සම්මේලනය ආණ්ඩුවට අවධාරණය කරයි.

ආණ්ඩුව සමග දිගින් දිගටම කරන ලද සාකච්ඡාවක ප්‍රතිඵලයක් ලෙස තමන්ට ලැබුණේ ප්‍රමාණවත් නොවන විසඳුමක් වුවද එකී විසඳුම වුව ක්‍රියාත්මකවීම පිළිබඳ සැකයක් පවතින බව විශ්ව විද්‍යාල ආචාර්යවරුන්ගේ සමිති සම්මේලනයේ සභාපති ආචාර්ය නිර්මාල් රංජිත් දේවසිරි මහතා පවසයි.

තම වෘත්තීය සමිති ක්‍රියා මාර්ගය අත්හැරීමට විශ්ව විද්‍යාල ආචාර්යවරුන්ගේ සමිති සම්මේලනය තීරණය කරනු ලැබුවේ ඒකමතිකව නොවන බවත්,බොහෝ මත ගැටුම් මධ්‍යයේ බහුතරයකගේ කැමැත්ත මත එම තීරණය ගත් බව ඔහු කියා සිටියේ අද(25)කොළඹ පැවති මාධ්‍ය හමුවකදීය.

එබැවින් විශ්ව විද්‍යාල ආචාර්යවරුන් අතර එම තීරණය පිළිබඳ පැවතුණු මත ගැටුම් තවමත් පවතින බවත් ඔහු අවධාරණය කළේය.

ජ්‍යෙෂ්ඨ මහාචාර්යවරයෙකුගේ වැටුප රුපියල් එක්ලක්ෂ 15,000 ක් ලෙස ගෙවීමට මුලදී රජයේ නියෝජිතයින් එකඟ වුවද පසුව එකී වැටුපට ‍එහිම කොටසක් ලෙස පර්යේෂණ දීමනාවද ඇතුළත් කර ඇති බවද දේවසිරි මහතා පෙන්වා දුන්නේය.

එහෙත් තමන් ඉදිරිපත් කළ මූලික කොන්දේසි අතර ජ්‍යෙෂ්ඨ මහාචාර්යවරයෙකු‍ගේ වැටුප එක්ලක්ෂ 15,000 ක් කරනු ලබන්නේනම් පර්යේෂණ දීමනාව වෙනම ගෙවිය යුතු බව පෙන්වාදුන් බවත්,එසේ නොමැතිව පර්යේෂණ දීමනාවද එක්ලක්ෂ 15,000 ක වැටුපේම කොටසක් බවට තීරණය කරනු ලබන්නේනම් අදාළ පර්යේෂණ දීමනාව වෙනුවෙන් රජය විසින් පනවා ඇති කොන්දේසි ඉවත් කළ යුතු බවත් ආචාර්ය නිර්මාල් රංජිත් දේවසිරි මහතා සඳහන් කරයි.

එසේ නොකළහොත් අදාළ වැටුප් වැඩිවීම සිදුවූයේ ජ්‍යෙෂ්ඨ මහාචාර්යවරයෙකු‍ගේ වැටුප එක්ලක්ෂ 15,000 ක් වන ලෙස බව රජය කියා සිටියද සැබවින්ම වැටුප් වැඩිවීම සිදුවූයේ එක්ලක්ෂ 1,000 න් බව පිළිගන්නට සිදුවන බවද ඔහු ‍පැවසීය.

ආණ්ඩුව විසින් මෙම කරුණු දෙකෙන් එකක් තෝරාගත යුතු බවත්,එසේ වුවද මේවන තුරු මෙම කාරණයට අදාළව ආණ්ඩුවේ අනුමැතිය ලැබී නොමැති බවත් දේවසිරි මහතා කියා සිටියි.

එසේ වුවද විශ්ව විද්‍යාල ගැටලු හා උසස් අධ්‍යාපන අර්බුදය පිළිබඳ සෙවීමට කමිටුවක් පත් කළ යුතු බවට කරනු ලැබූ ඉල්ලීමටත්,අංශාධිපතිවරුන් වෙත යවනු ලැබූ අංක 956 දරණ චක්‍රලේඛය අහෝසි කරන ලෙස කරනු ලැබූ ඉල්ලීමටත් ලිඛිත පොරොන්දුවක් ලැබුණු බවත් ඔහු සිහිපත් කළේය.

ආණ්ඩුවට කල් ලබාදෙන්නේ ඉදිරි අයවැය තෙක් පමණක් බවත්,ඒවන විට දුන් පොරොන්දු ඉටු කරන්නට ආණ්ඩුව විසින් කටයුතු කරනු නොලැබුවහොත් යළිත් දැවැන්ත වෘත්තීය සමිති ක්‍රියාමාර්ගයකට අවතීර්ණවන බවත් ආචාර්ය නිර්මාල් රංජිත් දේවසිරි මහතා වැඩිදුරටත් කියා සිටියේය.

FUTA to resume TU action unless …

Share

Island, 26/07/2011, By Dasun Edirisinghe

Dr. Devasiri

by Dasun Edirisinghe

University teachers who suspended their trade union action last Thursday warned the government yesterday that unless their demands were granted as promised, they would be compelled to resume their protest.

President of the Federation of University Teachers Associations (FUTA) Dr. Nirmal Ranjith Devasiri, addressing a press conference in Colombo yesterday, said that they were well aware of the government’s way of handling trade union issues. "We are not ready to let them take us for a ride this time," he said.

Dr. Devasiri claimed that the government had a history of reneging on promises it made to university teachers since 2008. But, this time around, it would not be able to take them for a ride, he said.

According to FUTA, the government has agreed to appoint a committee to evolve lasting solutions to the university teachers’ salary issues and cancel a circular issued by the University Grants Commission preventing university dons from resigning from the posts held by them voluntarily, without giving three-months notice.

The government had also agreed to discuss the issues such as university teachers’ Research and Development Allowance and FUTA had therefore decided to suspend its trade union action, Dr. Devasiri said. FUTA wants that allowance made part of the teachers’ salaries.

He said FUTA agreed to the government’s proposal to increase the salary of a senior professor to Rs. 115,000, but it would be only Rs. 101,000 without that allowance.

Dr. Devasiri said there were only 38 senior professors in the country.

FUTA asked for a ten per cent salary increment for probationary lecturers, but the government had granted a pay hike of only 6.25 per cent. There had been no pay hikes for demonstrators, FUTA chief said.

University teachers resorted to trade union action to pressure the government to rectify their salary anomalies, with a token strike on March 15, 2011. They resigned from university administrative posts on May 09.