ඔබත් නිදහස් අධ්‍යාපනයේ ප්‍රථිඵල භුක්ති විඳින්නෙක්ද?

Share

1980 දශකයේ මහත් ආන්දෝලනයට  තුඩු දුන් පහත ගීතය මරා දැමුණු තම පුතුණුවන් වෙනුවෙන් මවකගේ සිතට නැගෙන සිතිවිලි ධාරාව හා මාතෘත්වයේ අර්ථය මොනවට පැහැදිලි කරන්නකි... එපමණක් නොව ලාංකීය තරුණයා සතු  නිර්භීතත්වය හා ආත්ම පරිත්‍යාගය මැනවින් විදහා පාන්නකි.

යධමින් බැඳ විලංගු ලා මගේ පුතා රැගෙන යන්න

ඉදි කටු ඇන ඇඟිලි තලා දෙතිස් වදය පමුණුවන්න

අළුත් ලොවක් ගැන සිතීම දඬුවම් දෙන වරද නම්

කුමට එරට අධිකරණය නීතිය සහ විනිසුරන්

කකා බිබී නටන අතර නරුම යහළු යෙහිලියන්

පන්දු කෙලින අතර ඉහල පාසල් වල අමනයන්

රට ගිනි ගෙන ඇති වග දුටු මගේ එකම පුතුණුවන්

එ ගිනි නිවන මඟ සෙවීම වරදක් දැයි මට කියන්

ගිනි ගන්නා රටක කෙලින මී හරකුන් වැනි පුතුන්

කුමටද මට මහා විරුවෙකි සිරගෙයි මල මගේ පුතුන්

කෝටි ගණන් බිහිවේවා මගේ පුතු වැනි තව පුතුන්

කිරි මව් ලෙස මම ඉන්නම් එවන් පුතුන් ළඟ උතුම්

මහාචාර්ය සුනිල් ආරියරත්නයන්ගේ පද රචනයට විශාරද නන්දා මාලිනියගේ මුවින් පිටවන උක්ත වදන් ලාංකීය නිදහස් අධ්‍යාපනය රැක ගැනීමට තම අමිල දිවි කුසුම පුද කල සිසු විරුවන්ට පිදෙන උපහාරයකි....

ඉතින් වර්තමානයේ අපට කරන්නට ඇත්තේ කුමක්ද?ඔවුන් රැක දුන් රුවන් කරඬුව තව දුරටත් ආරක්ෂා කිරීම පමණය.....

ප්‍රභාත් රෝමිත